Entre os obxectivos que se pretenden conseguir con este proxecto sublíñanse os seguintes:

• Dispoñer dun conxunto de indicadores estatísticos que permitan medir a evolución da investigación, o desenvolvemento e a innovación na nosa Comunidade Autónoma.

• Dar visibilidade á actividade científica e tecnolóxica do Sistema Universitario de Galicia para que se coñeza por todos os axentes do sistema, actuando á vez como instrumento de información e formación.

• Ofrecer un coñecemento actualizado dos principais indicadores da realidade científica e tecnolóxica, proporcionando análise, ferramentas e recursos que permitan anticipar os cambios e as tendencias que poidan influír.

• Establecer un sistema de traballo común para as tres universidades co fin de dispoñer dun mesmo formato para todos os datos sobre a súa actividade científica e tecnolóxica.

• Medir o impacto das políticas de fomento de apoio ao Sistema Universitario de Galicia desenvolvidos pola Xunta de Galicia, particularmente a Dirección Xeral de Promoción Científica e Tecnolóxica do SUG e a Dirección Xeral de Investigación, Desenvolvemento e Innovación.

• Dar apoio estatístico ao deseño de estratexias de actuacións en materias de I+D universitaria.