|
O OCTUGA non pretende ser un sistema exhaustivo de busca de información dos Equipos de Investigación. Cada unha das universidades do Sistema Universitario Galego conta xa cun recurso de referencia aos Grupos de Investigación onde agrupa todo o referente aos mesmos; este é o denominado Catálogo de Grupos, onde se recolle información básica e actualizada sobre a denominación, composición, servizos e liñas de investigación que desenvolven os equipos en cada unha das tres Universidades. No espazo que este observatorio dedica á metodoloxía, defínese tamén como cada universidade tipifica os seus grupos de investigación, podendo comprobar como difire en cada unha delas. Polo tanto, neste epígrafe incluímos un acceso directo aos Catálogos de Grupos de Investigación de cada unha das universidades do SUG, unha serie de indicadores que caracterizan o conxunto dos Equipos de Investigación e unha ferramenta básica que permite realizar buscas na totalidade dos grupos establecidos nas tres universidades.
|
